Կյանքից հեռացել է լրագրող, տնտեսական մեկնաբան Արա Մարտիրոսյանը: Ինչպես հաղորդում է Yerevan Today կայքը, որտեղ վերջին շրջանում աշխատում էր Արա Մարտիրոսյանը, 51-ամյա տնտեսական մեկնաբանը մահացել է մայիսի 20-ի առավոտյան՝ կորոնավիրուսի հետևանքով:
Մարտիրոսյանը երկար տարիներ թղթակցել է տարբեր լրատվամիջոցների, եղել է «Ազգ» օրաթերթի լրագրողը, դասախոսել է Խ. Աբովյանի անվան հայկական պետական մանկավարժական համալսարանում: