Համաշխարհային հայկական կոնգրեսը, Ռուսաստանում հայերի միությունը եւ Հայաստանի ժուռնալիստների միությունը հայտարարում են 2016թ. ժուռնալիստական լավագույն հրապարակումների մրցույթ` նվիրված Հայաստանի անկախության 25-ամյակին` «Համազգային միասնականությունը որպես մեր ուժի, հզորության գրավական”շ» թեմայով:
Մրցույթին ներկայացվող նյութերը պետք է արտացոլեն Հայաստանի անկախացման պատմական նշանակությունը, մեր հերոսական ժողովրդի ձեռքբերումները, համայն հայության միասնականությունն ու միակամությունը հայոց պետականության կայացման, համազգային նվիրական նպատակների իրականացման համար:
Մրցույթին կարող են մասնակցել Հայաստանի եւ Սփյուռքի զանգվածային լրատվամիջոցները, Հայաստանի ժուռնալիստների միության անդամները:
Սահմանվել են հետևյալ մրցանակները.
1. Պարբերական մամուլ- երկու մրցանակ` 750.000-ական դրամ
2. Սփյուռքահայ մամուլ- մեկ մրցանակ` 350.000 դրամ
3. Ամսագիր- մեկ մրցանակ` 350.000 դրամ
4. Մարզային մամուլ- երկու մրցանակ` 300.000 դրամ
5. Հեռուստահաղորդումներ- երկու մրցանակ` 550.000-ական դրամ
6. Մարզային հեռուստահաղորդումներ- մեկ մրցանակ` 480.000 դրամ
7. Ռադիոհաղորդումներ- երկու մրցանակ` 350.000 դրամ
8. Ցանցային ԶԼՄ-ներ- մեկ մրցանակ` 300.000 դրամ
Մրցույթային նյութերը ներկայացնել ՀԺՄ գրասենյակ (ք․ Երևան, Պուշկինի 3ա), կամ ուղարկել [email protected] էլ փոստին։
Նյութերի ներկայացման վերջնաժամկետը սեպտեմբերի 22-ը ներառյալ, իսկ արդյունքները կհայտարարվեն 2016թ. hոկտեմբերին: